ААТ «Гомельтранснефть Дружба» выключае наяўнасць забруджанай нафты ў транспартаванні ў напрамку Польшчы і Украіны, а таксама ў ААТ «Мазырскі НПЗ». Адпаведнае паведамленне размешчана на сайце прадпрыемства.
Прычынаю для апраўдання сталася тое, што напярэдадні на некалькі гадзінаў прыпыняўся транзіт нафты ў Польшчу. «Транснефть» абвінаваціла ў выкарыстанні няякаснай нафты беларускую сістэму.
«Верагоднай прычынай кароткачасовага павышэння канцэнтрацыі хлорарганічных злучэнняў з’явілася аўтаматычнае ўключэнне сістэмы разварушвання дрэнажных ёмістасцяў на нафтаперапамповачнай станцыі Кобрын у абʼёме 20 кубічных метраў у трубаправод Мазыр – Адамава Застава», – сказаў прэс-сакратар «Транснефть» Ігар Дзёмін.
ААТ «Гомельтранснефть Дружба» ўдакладняе, што віны кампаніі ў гэтым няма.
«Уначы на 20 чэрвеня выкананы адбор кропкавых пробаў з усіх галінаў трубаправоду і дапаможных сістэмаў (дрэнажных ёмістасцяў) у пяці кропках на працягу 130 кіламетрах ад дзяржаўнай мяжы ў напрамку Мазыра. Аналіз адабраных узораў у акрэдытаванай лабараторыі не пацвердзіў перавышэнне ў іх канцэнтрацыі арганічных хларыдаў, па факце масавая доля арганічных хларыдаў склала 1-2 ppm і адпавядала патрабаванням ДАСТ 31378 і ДАСТ 51858», – адзначаецца на сайце кампаніі.
Здагадкі аб прычынах забруджвання, якія абмяркоўваюцца на ўзроўні рабочых кантактаў, не пацвердзіліся. Прычыны да гэтага часу высвятляюцца.
СК belsat.eu