Па ўзроўні эфектыўнасці беларускія прадпрыемствы істотна адстаюць ад краінаў Цэнтральнай Еўропы амаль на палову. Нягледзячы на заклікі кіраўніцтва краіны павысіць прадукцыйнасць працы, праблема не вырашаецца, піша tut.by.
Улады Беларусі канстатуюць, што ў нашай краіне ўзровень прадукцыйнасці працы складае толькі 16 % ад узроўню краінаў Еўразвязу (гэта значыць у 6,2 разы ніжэй) і 44 % ад узроўню краінаў Цэнтральнай і Усходняй Еўропы.
Згодна з звесткамі, агучанымі ў праекце афіцыйнага эканамічнага прагнозу на 2020 год, для нашай краіны характэрны высокія выдаткі і нізкая тэхналагічнасць. Да гэтага часу ў краіне няма тэхналогіяў, як вытворчых, гэта і кіраўніцкіх.
Не менш важнай праблемай застаецца нізкая прадукцыйнасць працы на беларускіх дзяржпрадпрыемствах. Цягам 2014-2018 гадоў крэдыторская запазычанасць дзяржсектару вырасла ў 2.3 разу.
«Праведзеная мадэрнізацыя на шэрагу прадпрыемстваў не прывяла да істотнага змянення тэхналогіі вытворчасці і абмежавалася ў асноўным заменай састарэлага абсталявання. Значная частка інвестыцыяў была ўкладзена ў будаўніча-мантажныя работы, а не ў актыўную іх частка (машыны і абсталяванне)», – адзначаюць аўтары праекту афіцыйнага прагнозу.
Афіцыйныя разлікі дэманструюць, што прадукцыйнасць працы ў замежных арганізацыях і ў арганізацыях з замежным капіталам да трох разоў вышэй, чым на дзяржпрадпрыемствах.
Пры гэтым сігналы, якія паступае з боку рэальнага сектара, сведчаць, што павышаць эфектыўнасць стаіць не толькі дзяржаўным, але і прыватным кампаніям.
СК belsat.eu