У СК адзначылі, што да авіякатастрофы прывялі памылковыя дзеянні камандзіра самалёту Рустэма Саліхава і другога пілота Віктара Гуцула. Пры гэтым, Саліхаў не меў базавых ведаў, дастатковых навыкаў і досведу пілатавання ды быў дапушчаны да пасажырскіх перавозак на падставе падробленых дакументаў.
17 лістапада 2013 года Саліхаў, выконваючы рэйс Масква-Казань, пры пасадцы ўвёў самалёт у складанае прасторавае становішча, а Гуцул кіраванне на сябе не ўзяў. У выніку Саліхаў, парушаючы правілы пілатавання, сваймі дзеяннямі дапусціў крушэнне паветранага судна.
Прадстаўнікам авіякампаніі «Татарстан» і Расавіяцыі Валерыю Партнову і Шаўкату Умараву адпаведна выстаўленыя абвінавачванні паводле ч. 3 арт. 263 КК РФ (парушэнне правілаў бяспекі руху і эксплуатацыі паветранага транспарту, якое пацягнула па неасцярожнасці смерць двух або больш асоб) і ч. 3 арт. 293 КК РФ (халатнасць, якая пацягнула па неасцярожнасці смерць двух або больш асоб).
«Боінг 737-500», які разбіўся 17 лістапада 2013 года ў Татарстане, забраў жыцці 50 чалавек. Авіялайнер ляцеў з Масквы ў Казань і паводле МНС Расеі выбухнуў падчас пасадкі. Пілоты некалькі разоў спрабавалі пасадзіць самалёт, але ўрэшце ён сутыкнуўся з зямлёю.
Грамадзянаў Беларусі на борце не было. У спісах загінулых фігуруюць сын прэзідэнта Татарстану Ірэк Мініханаў, кіраўнік Упраўлення расейскай спецслужбы ФСБ па Татарстане Аляксандр Антонаў. Сярод ахвяраў – трое дзяцей.
МГ belsat.eu