56-гадовая Наталля Ш., якая 38 гадоў адпрацавала ў сталічнай Больніцы хуткай медычнай дапамогі, памерла ў Менску 20 красавіка. Пра гэта паведамляе Onliner.by.
Жанчына працавала ў Менскай больніцы хуткай медычнай дапамогі, у стаматалагічным кабінеце. 10 красавіка ў яе паднялася тэмпература, пасля з’явіўся кашаль. 13 красавіка жанчыну паклалі ў БХМД, а на наступны дзень падключылі да апарату штучнай вентыляцыі лёгкіх.
Праз два дні медсястру перавялі ў 4-ю больніцу, у тэрапеўтычную рэанімацыю. Тут ёй зрабілі пераліванне (імуннай) плазмы, але нічога не дапамагло.
Сын памерлай заяўляе, што ў жанчыны не было хранічных захворванняў. Паводле яго, у жанчыны быў пацверджаны каронавірус.
«Пахаванне будзе ў закрытай труне, як і ўсіх ковідаўскіх», – кажа ён.
МГ belsat.eu