У Менску і Віцебску невядомыя «замінавалі» вакзалы і гандлёвыя цэнтры

У Беларусі 9 траўня зноў з’явіліся паведамленні пра мінаванне важных аб’ектаў. Гэта паведаміла ў сваім Тэлеграм-канале прэс-сакратарка МУС Вольга Чамаданава.

Паведамленні аб небяспецы паступілі ў міліцыю ў 12:10.

«На гэты раз былі «замінаваныя» два сталічныя гандлёвыя аб’екты «Галілеа» і «Сталіца», а таксама два чыгуначныя вакзалы ў Менску і Віцебску», – заявіла Чамаданава.

Паводле яе, сапёрна-піратэхнічныя групы абследавалі вакзалы і гандлёвыя цэнтры, але небяспечных прадметаў не выявілі.

https://belsat.eu/news/chargovae-minavanne-evakuyuyuts-vakzaly-i-gandlyovyya-tsentry/

Прэс-сакратарка МУС адзначыла, што паведамленні пра мінаванне былі падобныя да тых, што паступалі раней.

Гэта не першы раз, калі ў Менску эвакуююць гандлёвыя цэнтры, вакзалы, аэрапорт. Кожны раз паведамленні пра мінаванне прыходзяць на электронную пошту. Дагэтуль праваахоўныя органы не знайшлі, хто рассылае такія паведамленні.

МГ belsat.eu

Падпісвайся на telegram Белсату

Hавiны