Такую прапанову сталічныя ўлады накіравалі ў Міністэрства антыманапольнага рэгулявання і гандлю, заявіў старшыня Менгарвыканкаму Андрэй Шорац.
Паводле чыноўніка, заканадаўства не дазваляе санітарна-эпідэміялагічнай службе прыцягнуць да адказнасці грамадзянаў за гандаль прадукцыяй, якая не прайшла праверку на якасць.
«Напрыклад, у выпадку, калі грамадзянін гандлюе салам на вуліцы ў 30-градусную спёку», – цытуе старшыню Менгарвыканкаму агенцтва minsknews.by.
Кіраўнік Менгарвыканкаму спадзяецца, што змены ў заканадаўстве дадуць магчымасць не толькі аддзелам гандлю і паслугаў раённых адміністрацыяў ды міліцыі, але і санслужбе прымаць да нелегальных гандляроў «больш эфектыўныя меры ўздзеяння».
ЮВ, belsat.eu
