Партнёр IKEA кампанія «Габі-бел» зарэгістравана ў якасці рэзідэнта свабоднай эканамічнай зоны «Горадняінвест». Інвестыцыйным праектам прадугледжваецца стварэнне ў Горадні новага прадпрыемства па вытворчасці мэблі.
Пра гэта паведамляе сайт СЭЗ.
У рамках праекту запланавана будаўніцтва вытворчых памяшканняў плошчай да 20.000 м2, плануецца стварыць 170 новых працоўных месцаў.
«Інвестыцыйны праект з’яўляецца экспартаарыентаваным. Асноўным спажыўцом прадукцыі кампаніі «Габі-Бел» стане група кампаніяў IKEA з рынкамі збыту ў краінах Еўрапейскага звязу і СНД», – паведамляецца ў прэс-рэлізе.
IKEA – шведская вытворча-гандлёвая група кампаніяў, якая валодае адной з самых буйных у свеце гандлёвай сеткай па продажы мэблі і тавараў для дому.
Hавiны
Памёр заснавальнік Ікеі
2018.01.28 15:35
ІІ belsat.eu
