У Гомлі 8 лістапада працаўнікі ДАІ атрымалі інфармацыю, што за стырном «Сітраену» знаходзіцца мужчына ў стане алкагольнага апʼянення. Сігнал працаўнікоў міліцыі аб прыпынку ён праігнараваў, але быў спынены на бліжэйшым святлафоры.
Пра здарэнне паведамляе тэлеграм-канал прэс-сакратаркі МУС Вольгі Чамаданавай.
«На бліжэйшым святлафоры рух заблакавалі аўтамабілі, што спыніліся наперадзе. «Сітраенам» кіраваў гамяльчук, 1988 года нараджэння», – адзначылі ў МУС.
Гамяльчук быў моцна пʼяны – у яго было зафікасавана 3 праміле алкаголю. Як высветлілася, мужчына ніколі не меў правоў кіроўцы. На яго склалі пратакол за кіраванне аўтатранспартам з прыкметамі алкагольнага апʼянення.
У МУС адзначаюць, што з пачатку года на Гомельшчыне па віне пʼяных кіроўцаў адбылося 49 ДТЗ, у якіх 13 чалавек загінулі і 51 атрымаў цялесныя пашкоджанні.
ІІ belsat.eu
