Выданне progomel.by паведамляе, што ў ДТЗ у цэнтры Гомля пацярпелі дзве працаўніцы мясцовай школы і адна загінула.
12 кастрычніка ў ДТЗ на вул. Савецкай у Гомлі загінула намеснік дырэктара сярэдняй школы № 21 Ала Кузьменка. А ейныя калегі 1983 г. н. і 1970 г. н. былі шпіталізаваныя.
Паводле папярэдняй інфармацыі, аўтамабіль «БМВ 740» ехаў на вялікай хуткасці і ў пэўны момант кіроўца не справіўся з кіраваннем і выехаў на тратуар, па якім ішлі настаўніцы з 51-й гімназіі і СШ № 21.
Як распавядаюць відавочцы, аўтамабіль урэзаўся ў слуп. На фота, якія «Белсат» апублікаваў раней, бачна, што аўта разарвала на часткі.
ЮВ belsat.eu