У Беларусі прыдумалі, як пазбавіцца ад залішніх пакетаў і пластмасы


На грамадскае абмеркаванне вынеслі праект пастановы: Савет Міністраў прапаноўвае павялічыць для юрыдычных асобаў плату за ўтылізацыю пластыкавага посуду і палімернай упакоўкі.

Дакумент прадугледжвае павелічэнне платы за збор, абясшкоджванне і выкарыстанне адходаў – палімернай упакоўкі і пластыкавага посуду. Гэтыя сродкі ўносяць вытворцы і пастаўшчыкі на рахунак Аператара другасных матэрыяльных рэсурсаў, перадае pravo.by.

На думку аўтараў праекту, рост платы за ўтылізацыю палімерных адходаў і посуду з пластмасы паспрыяе скарачэнню неабгрунтаванага і празмернага спажыванне палімернай прадукцыі і будзе стымуляваць выкарыстанне экалагічна бяспечных прадуктаў са шкла, паперы або біяраскладальнага пакавання, плата на якія не павялічваецца.

Чэкі – не папера, а лямпачкі – не шкло. Як правільна сартаваць смецце?

Таксама мяркуецца, што павышэнне платы прастымулюе вытворцаў і пастаўшчыкоў самім збіраць і перапрацоўваць адходы, а там самым павялічыць выкарыстанне палімерных адходаў паўторна.

Заўвагі і прапановы адносна дакументу прымаюцца па 21 лістапада па спасылцы.

МГ belsat.eu

Глядзі таксама
Каментары