Цэнтральная выбарчая камісія Украіны завершла рэгістрацыю кандыдатаў на прэзідэнцтва. За пасаду кіраўніка дзяржавы на выбарах, якія адбудуцца 31 сакавіка, будуць змагацца 44 кандыдата.
Дакументы на ўдзел у выбарах ЦВК Украіны прымала з 31 снежня да 3 лютага. За гэты перыяд свае заяўкі падалі 90 чалавек, з якіх крыху менш за палову былі зарэгістраваныя.
Гэта абсалютны рэкорд за ўсю гісторыю незалежнай Украіны. У 1991-м годзе на пасаду кіраўніка дзяржавы балатаваліся 6 кандыдатаў, у 1998-м – 13, у 2004-м іх было 26, а на мінулых выбарах у 2014 годзе ў прэзідэнцкіх выбарах удзельнічалі 23 чалавекі.
З 44 кандыдатаў у прэзідэнты Украіны 40 чалавек – мужчыны, а 4 – жанчыны. Сярэдні ўзрост кандыдата складае 50 гадоў, самаму малодшаму – 37 гадоў, а самаму старэйшаму – 75.
Ад палітычных партыяў вылучаюцца 24 прэтэндэнта на пасаду кіраўніка дзяржавы. Астатнія – самавылучэнцы.
Сярод зарэгістраваных кандыдатаў – 16 народных дэпутатаў, 7 грамадскіх дзеячаў, 5 прадстаўнікоў бізнесу, двое работнікаў СМІ. Астатнія занятыя ў іншых сферах дзейнасці. Адна кандыдатка беспрацоўная.
ДШ, belsat.eu