Прэзідэнт ЗША Доналд Трамп заявіў, што кітайскія ўлады мусяць «панесці адказнасць», калі высветліцца, што Пекін «свядома» хаваў звесткі пра распаўсюд каронавірусу. Амерыканскі лідар лічыць, што вірус можна было спыніць яшчэ ў Кітаі да пандэміі, піша DW.com.
Доналд Трамп падкрэсліў, што часам здараюцца і памылкі, з якімі нічога не зробіш, але памылкі не могуць быць свядомымі. А ў выпадку, калі высветліцца, што кітайскія ўлады наўмысна не агучвалі звесткі пра інфекцыю, то за гэта мусіць быць адказнасць. Праўда, з якімі наступствамі з боку Вашынгтона можа сутыкнуцца Пекін, кіраўнік Белага дому не ўдакладніў.
Доналд Трамп нагадаў, што Кітай і ЗША ў студзені падпісалі пагадненне аб першай фазе ўрэгулявання гандлёвых спрэчак. Перамовы на гэты конт вяліся на працягу двух гадоў. ЗША знізілі мыты на тавары з Кітаю, а Пекін пагадзіўся набываць амерыканскія тавары, у тым ліку і сельгаспрадукцыю.
Адміністрацыя прэзідэнта ЗША не выключае версію, што каронавірус мог быць выпадкова распаўсюджаны з лабараторыі ў Ўу-Хані. Такая інфармацыя агучваецца ў сусветных медыях. Аднак КНР адрынае гэтую версію.
CК belsat.eu