Прадстаўнік па замежных справах Абʼяднанага пераходнага кабінету Валер Кавалеўскі знаходзіцца ва Украіне з мэтай усталявання афіцыйных адносінаў Кабінета з уладамі Украіны, паведамляецца ў Тэлеграм-канале Кабінету.
Плануецца, што падчас паездкі Валер Кавалеўскі праінфармуе ўкраінскія ўлады аб дзейнасці Кабінету. Будуць таксама разгледжаныя супольныя захады па абароне незалежнасці Беларусі і Украіны ва ўмовах расейскай агрэсіі.
Таксама Кавалеўскі мае намер абмеркаваць прапановы па фарматах супрацы дэмакратычнай Беларусі і Украіны ў міжнароднай палітыцы дзеля дасягнення супольных мэтаў.
Напярэдадні дарадца кіраўніка Офісу прэзідэнта Украіны Аляксей Арэстовіч прызнаў памылкі Кіева ў пытанні беларускай палітыкі. Аляксей Арэстовіч назваў грандыёзнай праблемай, што ва Украіне не раздзяляюць рэжым Лукашэнкі і беларускі народ.
АА belsat.eu