Цэнтральны банк Расеі ўвёў камісію памерам 30 % для фізічных асобаў пры набыцці валюты на біржы. Пра гэта паведамляе ТАСС.
«30 % камісія, якую брокеры павінны браць з фізічных асобаў пры куплі валюты на біржы, проста выраўноўвае канкурэнтныя ўмовы паміж банкамі і брокерамі, бо банкі маюць магчымасць выкарыстоўваць спрэд паміж курсам пакупкі і продажу валюты», – паведамілі ў ЦБ.
Заходнія краіны пастанавілі адлучыць расейскія банкі ад сістэмы міжбанкаўскіх разлікаў SWIFT. Беларусь таксама бярэ ўдзел у вайне супраць Украіны і можа дапамагчы расейскім банкам абысці санкцыі. У сувязі з гэтым прапануецца выключыць з гэтай сістэмы і беларускія фінансавыя ўстановы. Гэта прывядзе да таго, што прадпрыемствы не змогуць атрымаць грошай за прададзеныя за мяжу тавары ды аплаціць імпарт, тлумачаць эксперты.
ПС belsat.eu