Намеснік старшыні КХП БНФ Юрась Беленькі аштрафаваны на 765 рублёў (30 базавых велічыняў) за тое, што не пажадаў падпісваць дамовы на паслугі міліцыянтаў і камунальнікаў падчас шэсця на Дзяды і мітынгу ў Курапатах 3 лістапада, паведамляе Радыё «Свабода».
Юрася Беленькага пакаралі як арганізатара шэсця на Дзяды. Пратакол на палітыка склалі за тое, што ён не пажадаў падпісаць дамову на паслугі камунальнікаў і міліцыянтаў.
«Гэта цалкам палітычнае і незаконнае рашэнне. Відавочны ціск на тыя палітычныя структуры, якія стаяць на пазіцыях адстойвання незалежнасці і гатовыя арганізаваць масавыя пратэсты супраць паглынання Беларусі Расеяй», – сказаў у каментары пасля суду Юрась Беленькі.
Палітык мае намер абскардзіць пастанову суда.
СК belsat.eu