Супрацоўнікі па барацьбе з аргзлачыннасцю і карупцыяй МУС затрымалі на месцы злачынства пасля атрымання хабару ў службовым кабінеце намесніка дырэктара – начальніка дзяржінспекцыі па каранціну раслінаў ГУ «Гомельская абласная дзяржаўная інспекцыя па насенняводству, каранціну і ахове раслінаў».
Міліцыянты высветлілі, што кіраўнік неаднаразова атрымліваў незаконныя ўзнагароджанні за выпіску фітасанітарных сертыфікатаў і актаў каранціннага кантролю (нагляду) на сельгаспрадукцыю, што накіроўвалася на экспарт, паведамляе прэсавая служба МУС.
«Вядзецца пра падрыхтоўку і выдачу прадстаўніку камерцыйнай структуры афіцыйных дакументаў, якія забяспечваюць бесперашкодныя пастаўкі айчыннай плодаагародніннай прадукцыі ў іншыя краіны без выканання ўстаноўленых патрабаванняў, правядзення агляду і экспертызы тавару», – паведамілі ў 8-ым кіраванні (па Гомельскай вобласці) ГУБАЗіК МУС.
Аператыўнікам вядома пра некалькі эпізодаў злачыннай дзейнасці 38-гадовага падазраванага, за якія ён атрымліваў хабар у памеры ад 15 рублёў да 100 долараў. Сумы залежалі ад тэрмінаў атрымання адпаведных сертыфікатаў і актаў, а таксама аб’ёмаў прадукцыі.
Зламысніка заключылі пад варту, у дачыненні да яго распачата крымінальная справа паводле ч.1 арт.430 КК Беларусі (атрыманне хабару). Зараз працягваюцца аператыўна-следчыя мерапрыемствы, накіраваныя на ўсталяванне аналагічных эпізодаў злачыннай дзейнасці.
СК belsat.eu
