Цягам выходных у Беларусі зменіцца надвор’е, паветра з Захаду прынясе цяпло. Месцамі пройдуць дажджы, паведамляе Белгідрамет.
2 лістапада чакаецца воблачнае надворʼе, пераважна без ападкаў. Днём месцамі па Берасцейшчыне і Гарадзеншчыне пройдуць невялікія кароткачасовыя дажджы. Ноччу магчымы дождж з мокрым снегам. Тэмпература паветра ноччу ад 3 марозу да двух градусаў цяпла. Днём прагназуецца ад 3 да 9 вышэй за нуль.
У нядзелю, 3 лістапада, чакаюцца кароткачасовыя дажджы, па ўсходзе Беларусі магчымы мокры снег. Тэмпература паветра ўначы ад нуля да шасці цяпла, днём 6 – 12 вышэй за нуль, на паўднёвым захадзе чакаецца ажно да 15 цяпла.
СК belsat.eu