Менскія ўлады дазволілі мітынг і шэсце на Дзяды


Заяўнік традыцыйнага мітынгу-шэсця на Дзяды партыя КХП-БНФ заявіла, што Менгарвыканкам даў дазвол на правядзенне мерапрыемства да Дня памяці продкаў.

«Атрыманы дазвол Менгарвыканкаму», – паведамляе Кансерватыўна-Хрысціянская партыя – БНФ у Facebook.

Мемарыяльныя шэсце і мітынг, прысвечаныя Дню памяці продкаў Дзяды, санкцыянаваныя ўладамі сталіцы, адбудуцца ў нядзелю 3 лістапада. Шэсце пройдзе па традыцыйным маршруце – ад Менскага гадзіннікавага заводу да ўрочышча Курапаты.

Збор удзельнікаў акцыі распачынаецца а 11.30 каля гадзіннікавага заводу (ст. метро «Парк Чалюскінцаў»). Пачатак шэсця а 12.00. Мітынг пройдзе па пр. Незалежнасці-вул. Каліноўскага-вул. Гамарніка-вул. Мірашнічэнкі. 15.00 – 17.00 – мемарыяльны мітынг на тэрыторыі Народнага мемарыялу ў Курапатах.

Курапаты, як і 30 гадоў таму, падчас першага шэсця на Дзяды, патрабуюць абароны

Першая акцыя на Дзяды адбылася 30 кастрычніка 1988 года. Тады, неўзабаве пасля стварэння аргкамітэту Беларускага Народнага Фронту, было вырашана адзначыць гэты дзень як Дзень памяці ахвяраў палітычных рэпрэсіяў. І менавіта на той акцыі быў упершыню ўзняты бел-чырвона-белы сцяг у новай гісторыі Беларусі.

Святыя дзяды, ляціце сюды!

СК belsat.eu

Глядзі таксама
Каментары