Андрэй Антоненка, які падазраецца ў забойстве журналіста Паўла Шарамета. Фота – Reuters
Следства падазрае прынамсі пяць чалавек па справе аб забойстве журналіста Паўла Шарамета.
Сярод падазраваных: медсястра аднаго з парашутна-дэсантных батальёнаў Яна Дугар, лекар і валанцёр Юлія Кузьменка, музыка і добраахвотнік Андрэй Антоненка, добраахвотнікі Уладзіслаў і Іна Грышчанка.
Пра гэта кіраўнікі праваахоўных органаў паведамілі на брыфінгу ў Кіеве.
Раней кіраўнік МУС Украіны Арсэн Авакаў паведаміў, што паліцыя затрымала падазраваных у забойстве журналіста Паўла Шарамета.
Меркаванні
Знайшлі забойцаў Шарамета – ці знойдуць заказчыкаў забойства?
2019.12.12 19:24
- Паўла Шарамета забілі 20 ліпеня 2016 года ў цэнтры Кіева. У яго аўтамабілі на скрыжаванні вуліц Івана Франка і Багдана Хмяльніцкага выбухнула самаробная бомба з элементамі супрацьпяхотныя міны. Журналіст памёр за лічаныя хвіліны. Была ўзбуджаная крымінальная справа п.5 ч.2 арт.115 КК Украіны: наўмыснае забойства, здзейсненае спосабам, небяспечным для жыцця многіх асоб.
ЮВ/АА belsat.eu
