Два самалёты Су-34 сутыкнуліся на Далёкім Усходзе, паведамляе ТАСС.
Паводле interfax.ru, пілотам удалося катапультавацца, яны жывыя.
«Правяраецца версія аб тым, што пілоты маглі не разлічыць бяспечную адлегласць паміж машынамі, або адбылася няштатная сітуацыя і два самалёты маглі сутыкнуцца», – паведаміла interfax.ru крыніца ў экстранных службах.
Мінабароны РФ пацвердзіла інцыдэнт.
Знішчальнікі сутыкнуліся ў паветры над акваторыяй Японскага мора.
ЮВ, belsat.eu, паводле ТАСС, interfax.ru
