Дзягай – у медычных мэтах. Ці можна біць дзяцей? Апытанне беларусаў і расейцаў

ВІДЭА

Можно ли бить детей?

Бить или не бить?Во Всемирный день ребенка решили раз и навсегда разобраться. Мнения в Кемерово и Минске разошлись…

Opublikowany przez «Белсат» по-русски Środa, 20 listopada 2019

У Сусветны дзень дзіцяці, які з 1954 года адзначаюць 20 лістапада, «Белсат» запытаўся ў жыхароў Кемерава і Менску, ці можна біць дзяцей.

Адказы глядзіце ў відэа вышэй або чытайце ў тэксце.

Жыхары Кемерава:

«Нельга біць людзей – яны ж жывыя. Жывыя. І іх нельга біць. Калі вы іх б’яце, вас зловіць паліцыя і пасадзіць за краты».

«У мяне дзяцей не было… Я лічу, што можна. У Бібліі напісана, што, калі любіш сына, то карай яго. У залежнасці ад характару дзіцяці, а ўсе розныя. Таму часам прыходзіцца ўжываць фізічную сілу».

– Я таксама згодная, таксама чытаю Біблію. Там напісана: калі любіш сына, не шкадуй розгі. Такі і адказ. Часам у мэтах выхавання можна. А калі дзіця песціць, гуляючы з ім больш, то цябе потым спужае гэта дзіця. Так таксама напісана ў Бібліі.

– А трэба розгамі або дзягай, рукой? Як?

– Можна дзягай, можна і розгай.

«Гэта састарэла. Раней так і выхоўвалі. Цяпер гэта неактуальна дакладна».

– Ні ў якім разе быць нельга.

– А цябе білі калі-небудзь бацькі?

– Не. Наагул ні разу. Мяне нават не каралі ні разу, у кут не ставілі.

«Мяне выхавалі так, што мама мяне пастаянна сцябала, сцябала. А што толку? Я не разумела. Я сама руская – касячыла вельмі моцна. Калі дзіцяці нармальна растлумачыць, што не рабі гэта, не рабі так… То ён усё зразумее».

«Ведаеце, мяне, напрыклад, у дзяцінстве наагул ніколі не білі. Таму я не ўяўляю, навошта дзіцяці біць!»

HRW: У Іраку каля 1500 дзяцей арыштаваныя за сувязі з «Ісламскаю дзяржаваю»

Жыхары Менску:

«Рукой наагул нельга ляскаць. Тады ўжо лепш дзягай, а рукой нельга – плошча больш. Гэта ў медыцынскіх мэтах».

– Калі не моцна, то можна.

– А як не моцна?

– Каб не балюча было. Каб было зразумела, але не балела.

«Цяпер такая тэндэнцыя, што нельга ляскаць. Але дзеці такія… Такія, вельмі шустрыя і хуткія, таму і не ведаеш, як быць. Можа, у кут лепш, але, можа, зрэдку, калі-небудзь злёгку і не сістэматычна».

«Часам даводзілі і ляскала. Але наагул я супраць гэтага».

– Я б свайго дзіцяці не біў.

– А калі ён пад машыну на дарогу бяжыць? Ты яму раз сказаў, два сказаў…

– Не, ну калі ён не разумее, то, вядома, [можна].

«Мяне білі – як сідараву казу! Таму так, адгалоскі ёсць, але затое вырас больш-менш добрым хлопцам».

«Мы – сёстры Хачатуран». У Берліне прайшоў мітынг ля амбасады Расеі

ЛБ/МВ belsat.eu

Глядзі таксама
Каментары