Доктар Лі Вэньлян, адзін з васьмі чалавек, якія спрабавалі папярэдзіць пра новы каронавірус у кітайскай правінцы Ўу-хань, але атрымалі вымову мясцовай паліцыяй, сам памёр ад вірусу ўночы 7 лютага. Пра гэта паведамляе кітайскае ўрадавае выданне people.cn.
«Пасля аказання неадкладнай дапамогі Лі Вэньлян памёр. Мы глыбока шкадуем і аплакваем смерць Лі», – паведаміла цэнтральная больніца Ўу-ханю ў Weibo, кітайскай версіі Twitter.
Памерламу было 33 гады.
«Мы глыбока засмучаныя смерцю д-ра Лі Вэньляна, – распавядае Сусветная арганізацыя аховы здароўя. – Нам усім трэба адзначыць працу, якую ён правёў у 2019 годзе».
Раней кітайскае дзяржаўнае выданне «The Global Times» паведаміла, што афтальмолаг з Ўу-ханя Лі Вэньлян, які спрабаваў папярэдзіць калег аб новым каронавірусе і праз месяц заразіўся ім, памёр. Але пазней выданне зняпраўдзіла гэтую інфармацыю.
МГ belsat.eu
