Чыгуначныя адміністрацыі Украіны, Беларусі і Літвы падпісалі пагадненне для рэалізацыі новага праекту – арганізацыі кантэйнернага цягніка «Containerships train» з маршрутам Літва – Беларусь – Украіна і назад, паведамляе прэсавая служба Беларускай чыгункі.
Пагадненне накіраванае на выкарыстанне і развіццё міжнародных перавозак грузаў у кантэйнерах чыгуначным транспартным цягніком «Containerships train» маршрутам Клайпеда / Драўгісце-Порт (эксп.) – Кяна (эксп.) – Славечна (эксп.) – Бровары / Адэса-Порт (эксп.).
Дакумент прадугледжвае правядзенне сумеснай працы для ўзгаднення тарыфных умоваў, узаемадзеянне ў пытаннях маркетынгавай працы, накіраванай на развіццё перавозак праектам.
Чыгуначныя кампаніі дамовіліся забяспечваць курсаванне не меней за два цягнікі ў тыдзень паводле ўзгодненага перавознікамі графіку яго руху.
СК belsat.eu
