Расейская дзяржаўная нафтавая кампанія «Роснефть» плануе павялічыць здабычу нафты, як толькі скончыцца актуальная здзелка OPEC+.
Пра планы павялічыць здабычу нафты выданне «Bloomberg» даведалася ад крыніцы блізкай да расейскай дзяржкарпарацыі.
Суразмоўца выдання на ўмовах ананімнасці заявіў, што «Роснефть» гатовая да любога сцэнара і зможа вытрымаць падзенне коштаў на нафту.
Крыніца выдання адзначае, што «Роснефть» пачне нарошчваць здабычу нафты на 300 000 барэляў у дзень цягам тыдня-двух.
Напрыканцы мінулага тыдня краіны ОРЕС+ не здолелі дамовіцца з Расеяй аб скарачэнні здабычы нафты, што абваліла курс расейскага рубля і кошты на нафту. Прэс-сакратар кампаніі «Роснефть» Міхаіл Лявонцьеў заявіў, што пагадненне не адпавядала інтарэсам Расеі.
Рашэнне Расеі адбілася на беларускай валюце. 9 сакавіка курс долара ў Беларусі пабіў рэкорд.
ЮВ belsat.eu