У чацвер 31 жніўня ў Беларусі чакаюцца моцныя дажджы і навальніцы, парывы ветру падчас навальніц могуць дасягаць 15-20 м/с, паведамляе «Белгідрамет».
Сіноптыкі папярэджваюць, што максімальная тэмпература паветра на ўсходзе краіны можа падымацца да +31 °С.
Кароткачасовыя дажджы чакаюцца ў Менску, Берасці, Віцебску, Горадні. А Магілёў і Гомель у апошні дзень каляндарнага лета застануцца, хутчэй за ўсё, без ападкаў. Найбольш горача будзе ў Гомлі і Магілёве.
МНС Беларусі папярэджвае, што лепей не знаходзіцца пад прамымі сонечнымі праменямі з адкрытай галавой, а падчас навальніцы – не спускацца ў падземныя пераходы і трымацца далей ад электраправодкі і антэнаў. Ведамства раіць таксама не карыстацца падчас грымотаў тэлефонам і электрычнымі прыстасаваннямі.
Зміцер Міраш belsat.eu