За ўзнагароды беларускай прэміі кінакрытыкаў «Чырвоны верас – 24» пазмагаецца 71 стужка – столькі трапіла ў доўгі спіс, апублікаваны 25 кастрычніка. Прэтэндэнтаў на «найлепшы ігравы поўнаметражны фільм» пяць. Прэміі плануюць раздаць у лютым 2024 года.
Лагатып кінапрэміі «Чырвоны верас». Выява: Redheatheraward.com
Арганізатары прэміі раскрылі не ўсе назвы стужак: некаторыя аўтары пажадалі застацца ананімнымі. Апублікавалі наступныя назвы з лонг-ліста.
Намінацыя «Найлепшы дакументальны поўнаметражны фільм»:
- «Беларускі працэс» Максіма Буйніцкага,
- «Бярлог» Мікіты Лаўрэцкага,
- «Галасы. Дзе мой край» Максіма Шведа і Сяргея Кавалёва,
- «Дом там, дзе я?» Арцёма Лобача,
- «Калі кветкі не маўчаць» Андрэя Куцілы,
- «Мара» Сашы Кулак,
- «Мы не ведалі адно аднаго да гэтага лета» Вольгі Абрамчык,
- «Радзіма яна мая» Ксеніі Галубовіч,
- «Смеласць» Аляксея Палуяна.
Намінацыя «Найлепшы дакументальны кароткаметражны фільм»:
- «Вызваленне» Мікіты Лаўрэцкага,
- «Дзённік Анастасіі» Максіма Буйніцкага,
- «Маладосць па-беларуску» Ксеніі Галубовіч,
- «Medyka» Арцёма Лобача,
- «Метадычка» Паўла Мажара,
- «Не сыходзь пакорліва» Сашы Ігнатовіч,
- «Ніна» Александрыны Глагольевай і Юрыя Буцька,
- «Rymćieli» Ірыны Алюнінай,
- «Укараненне – у пошуку знака» Ганны Панюціч.
Фільмы
Галасы. Дзе мой край
2022.07.03 09:00
Намінацыя «Найлепшы ігравы поўнаметражны фільм»:
- «A Kid’s Flick» Мікіты Лаўрэцкага,
- «Камеры ў вачах» Віктара Лебедзева і Ганны Дэн,
- «Лета 1989» Уладзіміра Казлова,
- «Сем’янін» Віктара Лебедзева і Ганны Дэн,
- «Спатканне ў Мінску» Мікіты Лаўрэцкага.
Намінацыя «Найлепшы ігравы кароткаметражны фільм»:
- «Ізгой» Ілоны Мунцян,
- «Алімпійская зборная» Андрэя Новіка,
- «Закаханыя» Ілоны Мунцян,
- «З чаго ж…» Рыната Выстаробскага,
- «Малпачка» Евы Сапрыкінай,
- «Ператрымка» Андрэя Кашперскага,
- «Пеця» Алісы Іёды,
- «Phoenix» Марыны Сакалоўскай,
- «Сем Сямёнаў» Антося Сівых,
- «Смеццевая галава» Юрыя Сямашкі,
- «Too Big Drawing» Генадзя Буто,
- «У жывым эфіры» Мары Тамковіч,
- «Узіраючыся ў цемру» Івана Пракаповіча.
Намінацыя «Найлепшы анімацыйны фільм»:
- «Адмова» Глеба Куфцерына,
- «Вячэра з індыком» Глеба Куфцерына,
- «Горы» Аляксандры Пакацілавай,
- «Мая дзяўчына-кака» Мікіты Лаўрэцкага,
- «The Primitives» Генадзя Буто,
- «Скачок» Генадзя Буто,
- «Shirey Mara» Наты Карнеевай.
Фільмы будуць намінаваныя таксама ў катэгорыях «Найлепшы(ая) рэжысёр(ка)», «Найлепшы актор», «Найлепшая акторка», «Найлепшая праца аператара(кі)», «Найлепшы сцэнар», «Найлепшае мастацкае рашэнне (праца мастака(чкі)-пастаноўшчыка(цы)», «Найлепшы саўнддызайн (праца кампазітара(кі) і/ці гукарэжысёра(кі)» і «Адкрыццё года».
На конкурс агулам падалі 92 заяўкі. Сярод заяўнікаў былі як вядомыя аўтары (Мара Тамковіч, Андрэй Куціла, Аляксей Палуян, Юлія Рудзіцкая, Мікіта Лаўрэцкі і гэтак далей), так і пачаткоўцы. Да разгляду прымалі стужкі, знятыя як у Беларусі, так і за яе межамі, але пры ўмове, што стужкі створаныя без выкарыстання дзяржаўных сродкаў Беларусі ці Расеі.
Арганізатарамі прэміі выступае каманда на чале з Ірэнай Кацяловіч і Тарасам Тарналіцкім, агулам у журы 16 чалавек.
Меркаванні
Кіно нудна ўпарадкоўвае навакольны хаос: што я пабачыла на кінафэсце DOC Leipzig
2023.10.19 10:24
Алесь Наваборскі belsat.eu