Былая міністарка інфармацыі, а цяперашняя дэпутатка Лілія Ананіч распавяла пра магчымасць «развіцця ў нашых гарадах і паселішчах сеткі традыцыйных беларускіх «Бульбяных», замест зачыненага «McDonald’s».
Лілія Ананіч заявіла, што «ў справе «Маку» пастаўлена кропка», а замест яго мусяць прыйсці беларускія «Бульбяныя»:
«Я асабіста не знаўца фастфудаў і працягваю спадзявацца на развіццё ў нашых гарадах і паселішчах сеткі традыцыйных беларускіх «Бульбяных» – з дранікамі, клёцкамі, картаплянікамі, калдунамі і яшчэ з сотнямі страваў з нашай бульбачкі».
Дэпутатка адзначае, што Беларусь корміць сваймі прадуктамі «дзясяткі краінаў», а культура харчавання – «не толькі традыцыйная каштоўнасць, але і сродак прасоўвання нацыянальнага брэнду».
Нагадаем, што з 22 лістапада ў Беларусі замест рэстаранаў пад брэндам «McDonald’s» пачнуць працаваць расейскія рэстараны «Вкусно – и точка».
Алена Рувіна belsat.eu
