Ад пажараў у Еўропе да абстрэлаў ва Украіне. Падзеі са свету ў фотаздымках

Наталля Пастэрнак засталася адна ў сваім доме ў паўночнай Салтаўцы, жыве ў падвале. У руках яна трымае аднаго з катоў, ад якіх адмовіліся сем’і ўцекачоў ад вайны. Харкаў, Украіна.

Са Львова ў Кракаў прыехалі экспанаты для выставы «Новы пачатак. Мадэрнізм у ІІ Рэчы Паспалітай». На здымку – дырэктар Нацыянальнага музею Анджэй Шчэрскі разглядае карціну Міхайлы Байчука «Прарок Ілля». Кракаў, Польшча.

Пажарнік тушыць лясны пажар у Афінах, Грэцыя.

Украінскія вайскоўцы страляюць з гаўбіцы M777 на лініі фронту ў Харкаўскай вобласці, Украіна.

Цягнік едзе на дне асушанай тэрыторыі каля месца здабычы солі з Бурлінскага салёнага возера ў Алтайскім краі, Расея.

Паліцыянт дапамагае сталай жанчыне пакінуць ейную кватэру ў жылым доме, што пацярпеў ад расейскага авіяўдару. Краматорск, Данецкая вобласць, Украіна.

Рэакцыя жанчыны на паведамленне пра смерць мужа. Яго забіла расейская ракета падчас абстрэлу рынку Барабашова ў Харкаве, Украіна.

Мёртвы гарбаты кіт, выкінуты на пляж Шарп-Парк у горадзе Пасіфіка, ЗША.

Кемпінг «La Foret» пасля ляснога пажару. Пажарнікі на паўднёвым захадзе Францыі змагаюцца ў жахлівай спякоце, каб стрымаць два масіўныя цэнтры пажару. Жыронд, Францыя.

Чалавек ахалоджваецца ў фантане на Трафальгарскай плошчы падчас спякоты ў Лондане, Вялікая Брытанія.

Вайскоўцы Нацыянальнай гвардыі Украіны падчас пахавання жаўнера з палка «Азоў» Ігара Міхайлішына. Ён загінуў у баі за Марыупаль 20 сакавіка 2022 года. Львоў, Украіна.

Алмазная дыядэма з асабістай калекцыі каралевы Элізабэт II, што разам з іншымі экспанатамі будзе дэманстравацца на адкрыцці ў спецыяльнай экспазіцыі «Platinum Jubilee: The Queen’s Concretion» у Бакінгэмскім палацы. Лондан, Вялікая Брытанія.

Бацька трымае за руку забітага ў выніку расейскага абстрэлу 13-гадовага сына. Харкаў, Украіна.

Устойлівая спякота прывяла да крытычнага падзення ўзроўню вады ў возеры Ціксі (Zicksee) і гібелі сотняў рыбаў. Бургенлянд, Аўстрыя.