У Варшаве «BY teatr» пакажа спектакль да гадавіны поўнамаштабнага ўварвання ва Украіну
Незалежны тэатральны калектыў «BY teatr» разам з Музеем вольнай Беларусі і Домам творцаў у гадавіну пачатку поўнамаштабнага ўварвання Расеі ва Украіну 24–25 лютага пакажа дакументальны спектакль «How are you?».
«How are you?» – гэта спектакль-вербацім, што расказвае рэальныя гісторыі асобаў, якія апынуліся ва ўмовах вайны. У пастаноўцы сабраныя гісторыі ўцекачоў з Кіева і Вінніцы, досвед эміграцыі ў Румыніі, Нямеччыне, згадваюцца трагедыі Бучы і Марыупалю, зазначаюць у «BY teatr».
Спектакль пакажуць 24 і 25 лютага ў Музеі вольнай Беларусі ў Варшаве. «How are you?» выконваецца на ўкраінскай, беларускай і расейскай мовах з польскімі субцітрамі.
Квіткі можна замовіць тут і тут. Усе сабраныя сродкі будуць пералічаныя на дапамогу Цэнтру для перасяленцаў гораду Херсону.
Глеб Нержын belsat.eu
