Еўрапейскі Звяз увёў санкцыі супраць двух беларускіх банкаў – Банку развіцця і Банку «Дабрабыт». Адпаведнае рашэнне Рады ЕЗ, якое ўнесла змена ў рашэнне аб увядзенні санкцыяў у чэрвені 2021 года, было апублікаванае ў афіцыйным часопісе Еўразвязу 18 лютага.
Улетку пад санкцыі ЕЗ патрапілі Беларусбанк, Белінвестбанк і Белаграпрамбанк. Цяпер да іх дадалі Банк развіцця і Банк «Дабрабыт».
Для іх закрываецца магчымасць прыцягнення пазык тэрмінам больш за 90 дзён, а таксама праводзіць аперацыі з каштоўнымі паперамі з тэрмінам абарачэння больш за 90 дзён.
Таксама змененыя фармулёўкі адносна санкцыяў супраць нафтавай галіны. Цяпер забараняецца імпартаваць прама ці ўскосна нафту і газападобныя вуглевадародныя прадукты, якія вырабляюцца ці вывезеныя з Беларусі.
У МЗС Беларусі, каментуючы рашэнне Еўразвязу, заявілі, што «адэкватныя меры ў адказ з нашага боку таксама рушаць услед, прытым тады і ў такім аб’ёме, які палічым неабходным».
ПС belsat.eu