У Беластоку 18 чэрвеня адбылася акцыя салідарнасці з беларускімі палітвязнямі. У ёй узялі ўдзел каля 50 асобаў, перадае карэспандэнт «Белсату».
Удзельнікі сталі ў ланцуг ля скрыжавання вуліцаў Браніцкага і Электрычнай. Прадстаўнікі беларускай дыяспары трымалі ў руках плакаты з партрэтамі палітвязняў, а таксама нацыянальныя сцягі Беларусі і Польшчы. На адным з банераў было напісана: «Мая краіна сядзіць у турме».
Беларусы Беластока рэгулярна ладзяць акцыі падтрымання палітзняволеных. Апошні такі пікет адбыўся 21 траўня ля беларускага консульства.
Паводле звестак праваабарончага цэнтру «Вясна», цяпер у Беларусі 1491 палітвязень.
Сяргей Крот belsat.eu