За содні 81 нелегальны мігрант спрабаваў трапіць у Польшчу з Беларусі, сямёра — па рацэ
16.10.202213:46
Памежная служба Польшчы паведамляе, што за мінулыя содні з тэрыторыі Беларусі спрабаваў трапіць 81 мігрант. Таксама затрыманыя 4 асобы, што перавозілі нелегалаў.
Здымак мае ілюстрацыйны характар.
Фота: Straż Graniczna / Facebook
За мінулыя содні 81 асоба спрабавала незаконна трапіць у Польшчу з тэрыторыі Беларусі, паведамляе польская Памежная служба ў сваім Twitter. У прыватнасці 7 мігрантаў з Емену і Судану перасеклі мяжу цераз раку Свіслач, што недалёка ад пункта пропуску Баброўнікі – Бераставіца.
Таксама затрыманыя чацвёра памагатых, якія перавозілі 12 мігрантаў, – два беларуса, украінец і ўзбек.
Як раней паведамлялі польскія памежнікі, за 8 месяцаў сёлета зафіксавана амаль 7,5 тысячы спроб незаконнага перасячэння мігрантамі беларуска-польскай мяжы.
Hавiны
Прэм’ер Польшчы мяркуе, што Пуцін і Лукашэнка могуць ізноў кінуць мігрантаў на штурм польскай мяжы
2022.10.13 10:50
Сяргей Крот belsat.eu
