Ва ўмовах масавых палітычных рэпрэсіяў рэдакцыя рэгіянальнага выдання EX-PRESS.BY была вымушана пакінуць Беларусь.
«Рэдакцыя EX-PRESS.BY у поўным складзе вымушана была выехаць з краіны дзеля бяспекі і захавання праекту. Мы працягваем працу і вельмі спадзяемся на вашу дапамогу», – паведаміла выданне ў сваім тэлеграм-канале.
Рэдакцыя заклікае чытачоў дасылаць ім фота, відэа, пытанні і разважанні праз telegram-бот.
У паведамленні не ўдакладняецца, з якой краіны будуць цяпер працаваць журналісты.
- 8-9 ліпеня ў Беларусі прайшла хваля арыштаў незалежных журналістаў, ператрусы ў іх кватэрах і рэдакцыях недзяржаўных медыяў. У КДБ дзеянні сілавікоў назвалі «шырокамаштабнай аперацыяй па зачыстцы ад радыкальна настроеных асобаў».
- 14 ліпеня спецслужбы зладзілі беспрэцэдэнтную атаку на праваабарончую супольнасць, грамадскія арганізацыі і палітычныя партыі. Па ўсёй краіне адбыліся дзясяткі ператрусаў, шмат людзей былі затрыманыя.
Аб’ектыў
Рэпрэсіі прымушаюць журналістаў задумвацца аб эміграцыі
2021.07.10 22:44
ІІ belsat.eu
