Швейцарыя далучылася да эканамічных санкцыяў Еўразвязу.
Краіна ўводзіць эмбарга на пастаўкі абсталявання, якое можа выкарыстоўвацца для кантролю інтэрнэту ці тэлефонных размоў і тавараў падвойнага прызначэння. Швейцарыя ўводзіць абмежаванні адносна сектару нафтапрадуктаў, калію, доступу да фінансавага і банкаўскага рынку, а таксама тавараў, якія выкарыстоўваюцца ў вытворчасці цыгарэтаў. Акрамя таго, санкцыі закранаюць «Белэранавігацыю» і паслугі страхавання для беларускіх дзяржорганаў.
«Швейцарыя глыбока занепакоеная няўхільным пагаршэннем сітуацыі з правамі чалавека ў Беларусі і адсутнасцю дыялогу паміж урадам і грамадзянскай супольнасцю», – адзначаецца ў заяве ўладаў.
Швейцарыя заклікае Беларусь прытрымлівацца сваіх міжнародных абавязкаў у галіне правоў чалавека, вызваліць усіх адвольна затрыманых і расследаваць факты катаванняў і жорсткага абыходжання.
ІІ belsat.eu
