Уначы 11 чэрвеня ратавальнікі ліквідавалі загаранне на тэрыторыі дрэваапрацоўчага прадпрыемства ў Барысаве. Пра гэта паведамілі ў Міністэрстве надзвычайных сітуацыяў.
Пажар на заводзе ў Барысаве. Скрын з відэа: МЧС Беларуси / Telegram
На прадпрыемстве гарэў ангар і драўляныя піламатэрыялы на адкрытай пляцоўцы.
Пажар ліквідавалі а 04:22. Пацярпелых няма.
Паводле МНС, у выніку пажару знішчаныя складскі будынак, піламатэрыялы аб’ёмам 100 кубаметраў, франтальны пагрузчык.
Пры гэтым атрымалася выратаваць вытворчы будынак з дрэваапрацоўчым абсталяваннем і два франтальныя пагрузчыкі.
7 чэрвеня здарыўся выбух на заводзе беленай цэлюлозы Светлагорскага цэлюлозна-кардоннага камбінату. У выніку здарэння загінулі тры работнікі.
Агляд
Завод, які працягвае забіваць. Як мяняліся сведчанні ўладаў пра выбух на Светлагорскім ЦКК
2023.06.09 18:32
Якуб Хруст belsat.eu
