Бойка адбылася ўвечары 28 ліпеня ў аўстрыйскім горадзе Грац. Канфлікт паміж двума мужчынамі, 31-гадовым беларусам і 55-гадовым грамадзянам Расеі чачэнскай нацыянальнасці, узнік каля закусачнай у Народным парку, паведамляе мясцовыя выданне «Kleine Zeitung».
У нейкі момант расеец схапіў нож і нанёс беларусу ўдар у сэрца. Потым ён сышоў з месца злачынства.
Пацярпелага ўдалося выратаваць толькі дзякуючы прафесіяналізму лекараў хуткай дапамогі, якія экстранна даставілі яго ў шпіталь. Лекар на месцы правёў складаную аперацыю на сэрцы.
Вядома, што беларуса змясцілі ў рэанімацыю і ўвялі ў штучную кому. Пакуль пра ягоны стан нічога невядома. Таксама паліцыя адзначыла, што ён, верагодна, не зможа быць дапытаны на працягу доўгага часу.
Нападніка затрымалі праз 11 гадзін у сябе дома. Ён прызнаўся ў зробленым і назваў гэта самаабаронай: нібыта беларус напаў на яго першым і ён схапіў нож для закусак, які ляжаў на стале, каб абараніцца.
Алена Рувіна belsat.eu
