Сёння ў Беларусі адзначаецца Дзень работнікаў радыё, тэлебачання і сувязі. З гэтай нагоды міністэрства сувязі паведаміла, што ў першым квартале сёлета доля галіны «Інфармацыя і сувязь» у ВУП склала 6,3%. Летась было 6,6%, а пазалетась – 7,4%.
Паказнікі галіны «Інфармацыя і сувязь» улічваюць і IT, і іншыя сектары, напрыклад, выдавецкую дзейнасць. Мінсувязі паведаміла, што за тры кварталы сёлета доля гэтай сферы ў ВУП склала 6,3%. З іх 4,4% – уласна інфармацыйныя тэхналогіі.
Летась доля інфармацыі і сувязі ў беларускай эканоміцы была 6,6%, а пазалетась – 7,4%.
У лютым 2019 года Дзмітрый Крутой, які быў тады міністрам эканомікі, прагназаваў, што да 2023 года доля IT у ВУП можа вырасці да 10%.
Крызіс у гэтай сферы пачаўся ў 2020 годзе. З таго часу праграмісты амаль бесперапынна рэлакуюцца, шмат якія кампаніі сышлі з Беларусі. Ацэньваць сітуацыю ў галіне становіцца складаней праз тое, што цяперашнія ўлады хаваюць статыстыку. Цяпер, напрыклад, Белстат не публікуе інфармацыі пра звальненне і ўладкаванне на працу айцішнікаў. Гэтыя звесткі сведчаць пра іхную рэлакацыю або перакваліфікацыю.
Сяргей Крот belsat.eu