У мінулую пятніцу, 4 лютага, Аляксандр Калеснікаў змог пагутарыць са сваёй дачкой Марыяй Калеснікавай, якая цяпер знаходзіцца ў Гомельскай калоніі, піша канал Віктара Бабарыкі.
Аляксандр Калеснікаў паведаміў, што ў калоніі палітзняволеная шые летнія курткі з кішэнямі: «Атрымліваецца няблага, але пакуль няхутка».
«У яе ўсё добра, як гэта можа быць ва ўмовах зняволення, Маша перадае прывітанне камандзе і ўсім беларусам – вельмі сумуе па ўсіх», – распавёў бацька Марыі.
Палітзняволеную Марыю Калеснікаву абвінавацілі паводле трох артыкулаў: «Змова з мэтаю захопу ўлады», «Стварэнне экстрэмісцкага фармавання» і «Публічныя заклікі да дзеянняў, што пагражаюць нацыянальнай бяспецы». Менскі абласны суд прызнаў яе вінаватай і прысудзіў Марыі Калеснікавай 11 гадоў пазбаўлення волі.
Пісаць ёй можна на адрас: ПК № 4, вул. Антошкіна, 3, 246035, г. Гомель.
АД, belsat.eu