Пра гэта паведамляе babruysk.by. У ноч на 11 сакавіка ў Бабруйску былі затрыманыя чатыры мясцовыя актывісты.
Затрыманні адбываліся на вуліцы, піша выданне.
Прозвішчы затрыманых: Максім Буйніцкі (кінарэжысёр), Аляксей Раманаў, Максім Лубінскі, Вольга Аўдзейчык.
Ніхто з актывістаў на сувязь цяпер не выходзіць.
«”Праваахоўнікі” “шыюць” ім справы аб дробным хуліганстве – нецэнзурная лаянка ў грамадскім месцы, спробы чапляцца да да грамадзянаў… (на пустой вуліцы, ноччу). У панядзелак з збіраюцца судзіць», – паведамляе крыніца выдання.
12 сакавіка ў Бабруйску, Рагачове ды Оршы адбудуцца маршы недармаедаў.
ЮВ, belsat.eu, паводле babruysk.by
