У нядзелю тэмпература паднімецца яшчэ на некалькі градусаў.
«Белгідрамет» абвесціў на суботу 25 чэрвеня жоўты ўзровень небяспекі праз гарачыню: удзень па краіне паветра месцамі дасягне да + 30 °С.
У нядзелю тэмпература паднімецца яшчэ на некалькі градусаў.
,,«На выходных тэрыторыя нашай краіны будзе пад уплывам вобласці павышанага атмасфернага ціску. Таму чакаецца сухое і вельмі цёплае надворʼе. У ноч на суботу мінімальныя значэнні тэмпература паветра складуць плюс 11–17 °С, удзень пры гэтым будзе 25–30 градусаў. У нядзелю стане яшчэ на пару градусаў цяплей», – паведамляе «Белгідрамет».
У пачатку наступнага тыдня ў сярэднія шыроты паступіць спякотнае трапічнае паветра з Міжземнаморʼя, таму ў Беларусі спякота яшчэ ўзмоцніцца і захаваецца да канца чэрвеня. У начны час тэмпература паветра па краіне ў асноўным будзе ў межах 14–22 градусаў, удзень пры гэтым пераважныя дзённыя максімумы складуць 27–34 градусаў цяпла. Паводле папярэдніх прагнозаў, 29 чэрвеня ў асобных раёнах на паўднёвым захадзе тэмпература паветра дасягне адзнакі 35–36 градусаў цяпла.
Пры гэтым 28–30 чэрвеня ў асобных раёнах краіны месцамі магчымыя кароткачасовыя навальнічныя дажджы.
Ва ўмовы сухога і вельмі цёплага надворʼя ў Беларусі клас пажарнай небяспекі паступова ўзрасце да 3-га (сярэдняя ўзгаральнасць).
Алена Рувіна belsat.eu
