30-гадовы Майкл Ратонда (Michael Rotondo) не плаціць за арэнду, не дапамагае фінансава і ў бытавым жыцці.
Ягоныя бацькі не вытрымалі і вырашылі выгнаць сына з дому праз суд. З лютага яны высылалі яму афіцыйныя паведамленні, якія афармляў адвакат. Крысціна і Марк Ратонда заклікалі сына знайсці працу. Пара нават прапаноўвала яму $ 1100 на пошук новага жылля. Ён узяў гэтыя грошы, аднак кватэру так і не знайшоў.
Суд вырашыў, што мужчына мусіць выехаць з бацькоўскага дому, хоць сам Майкл Ратонда не пагаджаецца з рашэннем і просіць даць яму больш часу. Суддзя адхіліў просьбу. Мужчына збіраецца абскарджваць рашэнне, бо лічыць яго «смешным».
ДР belsat.eu
