Дзеянні супрацоўнікаў Памежнай службы Польшчы (Straż Graniczna) выратавалі жыццё беларускаму хлопчыку, паведамляе прэс-служба ведамства.
17 жніўня хлопец разам з братамі і бацькамі перасякаў мяжу ў пункце пропуску Кузніца, пакідаючы Польшчу. У пэўны момант бацькі звярнуліся па дапамогу да польскіх памежнікаў. Апошнія, пабачыўшы, што 16-месячны хлопчык страціў прытомнасць, аказалі першую дапамогі, выклікаўшы пры гэтым з гораду Сакулка «хуткую».
Да моманту прыбыцця хуткай дапамогі супрацоўнікі памежнай службы падтрымлівалі жыццёвыя функцыі хлопчыка, які, імаверна, страціў прытомнасць праз высокую тэмпературу, якая ўтрымлівалася доўгі час, і вялікую дозу прэпарату супраць высокай тэмпературы.
Машына хуткай дапамогі забрала дзіця ў шпіталь, дзе, на шчасце, удалося збіць тэмпературу.
Глядзіце таксама:
НМ, belsat.eu, фотаздымак з «Фэйсбуку» Памежнай службы Польшчы
