У Міністэрстве ўнутраных справаў Беларусі заявілі, што ў навагоднюю ноч «надзвычайных сітуацыяў і здарэнняў у месцах правядзення масавых мерапрыемстваў не дапушчана». Гэтыя масавыя мерапрыемствы зладзілі амаль на 1600 пляцоўках.
МУС адсправаздачыўся пра забеспячэнне грамадскага парадку ў месцах правядзення канцэртаў у навагоднюю ноч. Імпрэзы зладзілі на 1580 святочных пляцоўках.
«Аператыўная абстаноўка ў краіне была пад кантролем, надзвычайных сітуацыяў і здарэнняў у месцах правядзення масавых мерапрыемстваў не дапушчана. МУС дзякуе грамадзянам за разуменне і культурныя паводзіны», – заявіў першы намеснік міністра ўнутраных справаў Юрый Назаранка.
Колькі асобаў узялі ўдзел у навагодніх масавых мерапрыемствах, што зладзіла дзяржава, не паведамляецца.
Сяргей Крот belsat.eu
