На аўтадарозе Наваполацк-Полацк паблізу вёскі Чарнешчына адбылося ДТЗ з удзелам маршрутнага таксі, якое рухалася па маршруце №10.
Кіроўца мікрааўтобуса не справіўся з кіраваннем, аўтамабіль вынесла на абочыну, дзе ён урэзаўся ў прыпаркаваны на абочыне джып Кіа Спортыж. Аварыя адбылася 2 студзеня каля 21.00.
ДАІ паведамляе, што вядзецца правяранне, але кіроўца маршруткі ўжо прыцягнуты да адміністрацыйнай адказнасці.
Маршрутка перакулілася на правы бок. Салон пасажыры пакідалі праз дзверы кіроўцы. Заднюю не здолелі адкрыць (якая павінна служыць аварыйным выхадам).
Маршрутка была цалкам набітая людзьмі, у салоне былі і дзеці, але сурʼёзна пацярпелых няма.
Уладальнік джыпа не пацярпеў. Ён заставіў яго на абочыне каля АЗС ледзь раней, так як у аўтамабілі паляцеў падшыпнік.
ВД, vk.com
