Богдан Барусэвіч. «Салідарныя з палітычнымі вязнямі»


Богдан Барусэвіч, спікер Сенату Польшчы: “Людзей саджаюць за тое, што ў іншых краінах можна рабіць без аніякіх пагрозаў і пераследу. За тое, што яны выказваюць сваю незадаволенасць. У гэтай сітуацыі ўлады Беларусі ідуць тупіковаю дарогаю. Мяне гэта не здзіўляе – рэжымы гэтак сябе паводзяць. Але такая сітуацыя непрымальная для нас – усіх тых, хто жыве ва ўмовах дэмакратыі ды свабоды”.

У межах спецыяльнай акцыі тэлебачання «Белсат» больш за 30 вядомых асобаў Беларусі ды свету выступяць з пасланнямі да беларускіх палітычных зняволеных.

Кароткія ролікі будуць паказваць на тэлеканале штодня пасля галоўнага выдання «Аб’ектыву» а 21:25. А таксама пасля паўтораў галоўнага выдання інфармацыйнай праграмы «Белсату» напрыканцы эфіру і раніцай а 7:20. Кліпы таксама будуць размешчаныя на сайце тэлеканалу www.belsat.eu.

Гледачы і прыхільнікі «Белсату» могуць далучыцца да акцыі ды прыслаць свае ролікі са словамі падтрымання беларускіх палітзняволеных на адрас salidarnasc@belsat.eu. Ліст мае ўтрымліваць вашую пісьмовую згоду на бязвыплатнае змяшчэнне відэазвароту на старонцы www.belsat.eu, а таксама ў эфіры тэлеканалу.

Беларусь – апошняя краіна ў Еўропе, дзе за палітычныя погляды можна трапіць у турму. Гэтак, 19 снежня падчас мірнай дэманстрацыі арыштавалі каля 700 чалавек. 35 асобаў абвінавацілі ва ўдзеле і арганізацыі масавых беспарадкаў, у тым ліку экс-кандыдатаў на прэзідэнта.

Больш відэа – тут.

belsat.eu
https://youtu.be/A8H7JaaLc_s

Глядзі таксама
Каментары