Днём 31 жніўня пад коламі аўтамабіля ў Добрушскім раёне загінуў хлопчык паўтара гадоў, паведамілі ў Гомельскай Дзяржаўтаінспекцыі.
Паводле звестак інспектараў, 22-гадовы вадзіцель мікрааўтобуса Volkswagen Crafter, верагодна службы дастаўкі, рухаючыся заднім ходам па вуліцы Садовай у вёсцы Баршчоўка, учыніў наезд на паўтарагадовага дзіцяці.
У выніку хлопчык ад атрыманых цялесных пашкоджанняў памёр на месцы здарэння.
ДАІ нагадвае бацькам, што важна кантраляваць малых дзяцей на вуліцы.
Маленькія дзеці могуць не разумець, дзе іх падсцерагае небяспека, таму нельга іх ні на хвіліну выпускаць з-пад увагі. Кіроўцам падчас руху заднім ходам варта быць максімальна асцярожнымі і ўважліва па чарзе глядзець у люстэркі задняга віду.
Алена Рувіна belsat.eu