Новы смяротны прысуд у Беларусі і візіт Байдэна на Блізкі Усход. Галоўныя падзеі ў малюнках
Мастак Дэ Лёс разам з «Белсатам» падсумоўвае галоўныя падзеі апошніх тыдняў. Здагадаецеся, пра што ідзецца ў карыкатурах, без нашых падказак?
Плот на мяжы Польшчы і Беларусі не будзе разбураны. Рэферэндум у Польшчы, дзе сярод іншага ў палякаў запыталі, ці падтрымліваюць яны знос агароджы на ўсходзе краіны, не адбыўся. Удзел у рэферэндуме ўзялі толькі 40 % з патрэбных мінімум 50 % выбарнікаў.
Іярданія адмяніла запланаваны на 18 кастрычніка чатырохбаковы саміт з удзелам прэзідэнта ЗША Джо Байдэна і лідараў Іярданіі, Егіпту і Палестынскай аўтаноміі. Сустрэчу адмянілі праз выбух у шпіталі ў сектары Газа 17 кастрычніка.
Арабскія краіны абвінавацілі Ізраіль у наўмысным бамбаванні цывільных аб’ектаў. Ізраіль у сваю чаргу заяўляе, што ракетны ўдар нанеслі палестынскія баевікі. З гэтаю версіяй салідарныя Злучаныя Штаты. Мы апавядалі, што вядома пра трагедыю ў аль-Аглі і хто насамрэч нясе за гэта адказнасць.
17 кастрычніка Менскі гарадскі суд вынес рашэнне аб ліквідацыі царквы «Новае жыццё». Гэтак улады паставілі кропку ў шматгадовым змаганні з вернікамі. Будынак царквы разбурылі яшчэ ўлетку.
З 1 студзеня 2024 года зноў плануюць змяняць Падатковы кодэкс. Чакаць змяншэння падаткаў беларусам не даводзіцца.
Якія падаткі вырастуць у выпадку прыняцця новай рэдакцыі Падатковага кодэксу? Тут падрабязна адказваем на гэтае пытанне.
І ў канцы адная з самых жахлівых навінаў апошніх дзён. За забойства 3-гадовага сына шматдзетнага бацьку прысудзілі да смяротнага пакарання, маці хлопчыка атрымала 25 гадоў калоніі строгага рэжыму.
Паводле інфармацыі следства, бацькі рэгулярна збівалі дзіця і здзекаваліся з яго. Хлопчыка прымушалі спаць голым на падлозе на кухні, білі тапкам па вуснах, апускалі галавой у вядро з вадою.
Падрабязнасці жахлівай гісторыі тут.
Дэ Лёс belsat.eu
