Беларуска Марына Васілеўская пакуль не паляцела ў космас, запуск ракеты з «Саюзам МС-25» у апошні момант адмянілі. Ён мусіў адбыцца 21 сакавіка з касмадрома «Байканур». Прычынай назвалі «аўтаматычную адмену», паведамілі ў трансляцыі на YouTube-канале карпарацыі «Роскосмос».
Старт перанеслі на 24 гадзіны.
На Міжнародную касмічную станцыю Марына Васілеўская збіралася адправіцца разам з камандзірам карабля – нарадзінцам Беларусі Алегам Навіцкім і бортінжынерам – астранаўтам NASA Трэйсі Дайсанам.
Марыне Васілеўскай 33 гады, яна нарадзінка Менску. З 2017-га працавала бортправадніцай «Белавіі». Васілеўская прайшла некалькі этапаў адбору.
Планавалася, што Навіцкі і Васілеўская правядуць на борце станцыі 12 содняў і вернуцца на Зямлю 2 красавіка караблём «Саюз МС-24» разам з астранаўткай NASA Лорал О’Гэра.
Трэйсі Дайсан будзе працаваць у космасе 186 содняў і прызямліцца 23 верасня на караблі «Саюз МС-25» разам з Алегам Кананенкам і Мікалаем Чубам.
Ася Саковіч belsat.eu
