Ратаўнікі 13 снежня працавалі на ўзгаранні на тэрыторыі Мазырскага НПЗ (Гомельская вобласць). Пра гэта паведамілі ў Міністэрстве надзвычайных сітуацыяў.
У МНС адзначылі, што ў выніку разгерметызацыі рэактарнага блока камбінаванай устаноўкі гідракрэкінгу цяжкіх нафтавых рэшткаў адбыўся выхад вуглевадародзмяшчальнай сумесі з наступным узгараннем. На адзнацы 34 метры на верхнім ярусе ўстаноўкі знайшлі загінулага работніка прадпрыемства.
Прычына і абставіны інцыдэнту высвятляюцца.
Гэта ўжо не першы пажар на Мазырскім НПЗ сёлета. Увечары 19 студзеня пажар здарыўся праз разгерметызацыю фільтру камбінаванай устаноўкі гідракрэкінгу цяжкіх нафтавых рэшткаў. У выніку адбыўся выхад гідрагенізату.
А ў ноч на 23 студзеня зноў адбылося факельнае гарэнне сістэмы гідракрэкінгу цяжкіх нафтавых рэшткаў.
Якуб Хруст belsat.eu