Супрацоўнікі ГУБАЗіКу пры падтрыманні АМАПу затрымалі жыхара Слоніму за каментар на адрас сілавікоў і прымусова запісалі ягонае відэапрызнанне. Пра гэта паведамляюць праваабаронцы.
12 снежня стала вядома пра затрыманне жыхара Слоніму Андрэя Казялецкага сіламі ГУБАЗіКу і АМАПу. Жорсткае затрыманне з тварам у снег сілавікі здзейснілі за тое, што мужчына раней нібыта пакінуў зняважлівы каментар на іхны адрас. Аб прычынах затрымання стала вядома з відэапрызнання затрыманага, якое сілавікі запісалі і распаўсюдзілі праз інтэрнэт.
Тым часам сталі вядомыя дэталі масавага затрымання ў Браславе 7 снежня. Праваабаронцы высветлілі: зноў жа ГУБАЗіК затрымаў у райцэнтры каля 15 чалавек. Большасць – паводле артыкулу 19.11 КаАП. Аднаго з затрыманых забралі за тое, што ў 2020 годзе перапосціў навіну з незалежнага тэлеграм-каналу ў мясцовы чат.
Чытайце па тэме:
Антон Тачняк belsat.eu